As altas temperaturas volveron dar un presaxio do que pode ser un mal verán para os pobos rodeados de masa forestal na comarca. No caso do municipio de Barro foi o incendio de eucaliptal na Portela o que se reavivou ao mediodía, logo dunha xornada de calma.

Ás tres da tarde empezaban a alarmarse tamén os veciños de Viascón, en Cotobade, A fumareda que saía do Monte Castelo empezouse a achegar á parroquia. Pedíronse medios, pero estes non chegaban. O BNG denunciou que ás cinco, cando xa se aproximaba o lume ás vivendas -e na zona hai casas de Protección Oficial realizadas exclusivamente en madeira- só había un buldozer facendo devasa. Ningunha cuadrilla. Ao final, pouco despois chegou o helicóptero e a cuadrilla, procedentes dun lume en Lérez, posto que se considerou que este era máis perigoso.

(Máis información na nosa edición impresa do 1 de xullo).