O Tribunal Superior de Xustiza de Galicia acaba de ratificar a sentenza do Contencioso

Administrativo de Pontevedra de 5 de xaneiro de 2009 pola que se anulaba toda a tramitación

relativa ao desenrolo do solo industrial de Sequeiros, pero non só iso, senón que o que

conseguiu o Concello, ao recorrer dita sentenza foi que o Tribunal Superior de Xustiza de

Galicia tamén anulara o PXOM no que se refire ao SRAU industrial Sequeiros-Portela

devolvendo a eses terreos a clasificación de solo rústico de protección forestal.

O PXOM aprobado polo Goberno Municipal do PP no ano 2003 caracterízase como un

instrumento fallido para a ordenación do noso territorio polas eivas que contén tal como se leva

comprobando ao longo destes poucos anos. Foron esas eivas as que levaron ao BNG a non

apoialo no seu día.

• Todos os problemas de organización do tráfico que sufre o núcleo de San Antoniño, son

debidas a unha moi mala planificación do mesmo, pois a estrada nacional 550 xa

existía fai 7 anos e non se lle soubo dar o tratamento acaído.

• Que xa se tivera que facer unha modificación do PXOM para igualar alturas no núcleo

ou a recalificación dos terreos da Avícola que se empezou a tramitar pouco despois da

aprobación do PXOM é outro dos síntomas.

• Que esté agora en tramitación unha segunda modificación intentando dar saída ao

tráfico do núcleo de San Antoniño nunha alternativa á N-550 e continuidade a unha

ponte xa construída detrás do tanatorio que nin aparece no PXOM nin ten permiso de

ningún tipo, son algúns exemplos dun planeamento aprobado por un goberno municipal

incapaz de planificar o futuro do noso concello.

O último exemplo do que vimos a afirmar é esta anulación por parte do TSXG do PXOM de

Barro no referido a SRAU Industrial de Sequeiros-Portela. E o que é mais preocupante que esa

sentenza ven a pór tamén en inseguridade xurídica todo o solo industrial do noso concello, pois

a mesma tramitación anulada polo Tribunal Superior foi a que se seguiu coas outras dúas bolsas

de solo industrial, tanto no da zona do Lombo de Maceira, aínda sen desenrolar, e puxo tamén

en perigo o Polígono de Barro-Meis pois con esta sentenza tamén quedaría anulado se alguén

chega a presentar un recurso no mesmo sentido que o referido ao de Sequeiros-Portela.

Asdo. Xosé Manuel Fdez Abraldes

Portavoz do Grupo Municipal do BNG de Barro