Adega Moraima, Asociación Cultural Barosa

e Bloque Nacionalista Galego son algunhas

das entidades nas que José Bermúdez deixou

a impronta do seu traballo, da súa

camaradería e do seu bo facer.

Agora, cando se cumpre un ano do seu

pasamento, as tres entidades queremos

honrar a súa memoria cun acto público no

que repasar unha vida e un traballo que

sempre tivo como horizonte mellorar as

condicións de vida dos veciños e veciñas do

seu/noso concello.

Neste acto, que terá lugar o sábado 13 de

marzo ás 20 h. na biblioteca pública

de Barro, contaremos coas intervencións

de persoas que traballaron cóbado a cóbado

con el, como Francisco Gulías, crego, e

membro de Cristiáns Galegos, José

Manuel Fontán Presidente da cooperativa

Adega Moraima, Roberto Rivas, Presidente

da Asociación Cultural Barosa, Xosé

Manuel Fernández Abraldes, Portavoz

do BNG en Barro e Guillerme Vázquez,

Portavoz Nacional do BNG.

Agardamos contar coa súa asistencia neste

sinxelo pero emotivo acto de

recoñecimento a quen tanto, e en tantos

ámbitos, aportou ao desenvolvemento social

do concello de Barro.